K. Sapdanga chuan, “Mizoram hmun hrang hrangah kan police chhuanawm tak tak ten rim taka venhimna hna an thawh avangin thil ṭha lo hrang hrang  ram leh khawtlanga thleng theite nasa takin kan pumpelh a, mipuite tan a thlamuanthlakin zoram mipui aiawhin kan police te thawhrimna ah lawmthu ka sawi a ni,” a ti.

Home Minister chuan, “Kan ramin a buaipui ber ruihhlo do chungchangah pawh kan police ten nasa takin tan an la a, tunhnai ah pawh ruihlo ṭhahnem tak kan rama lut tur leh kan ram paltlang tur man a ni a, ruihhlo do kawngah hian kan police te kut kan phuar sak dawn lova, tihchak leh thuamchak an ngaihna kawngah sorkar chuan kan thlahthlam dawn hauh lo a ni," a ti.

K Sapdanga hian Vaphai leh Farkawn a Mizo hmun pawimawh hrang hrang a tlawh kual bawk.